Bo día.
Este sábado, na tenda OZOCOgz deseño galego vai estar Juan Carballo coa súa última posta en escea poética, PORTUGALEGO.
PORTUGALEGO é unha historia de amor, mais tamén é unha volta ás raíces, un chamamento para ollar as semellanzas entre galegos e portugueses. Esta é unha actuación fronteiriza tanto na lingua como na sesión poética, na que combina poemas de autores portugueses, autores galegos e poemas propios.
PORTUGALEGO é a nova xira de Juan Carballo en solitario para continuar o seu idilio con Portugal onde, así como na Galiza, presenta o seu novo proxecto en distintas vilas e cidades.
Juan Carballo é un artista galego que flutua entre o mundo literario e o musical. Ademais de publicar poemarios e discos, realiza concertos e recitais. Posúe unha voz propia e unha traxectoria con numerosas publicacións e xiras nos últimos anos.
Mais info: www.juancarballo.es
