O Auditorio Manuel María do Carballiño acolleu esta mañá unha das actividades da programación elaborada pola Concellería de Educación e Normalización Lingüística para conmemorar o ‘Día de Rosalía’, que se celebra na data do 23 de febreiro en lembranza do nacemento da poetisa na parroquia compostelá de Conxo no ano 1837.
Uns 200 alumnos e alumnas do primeiro ciclo de educación primaria dos centros de ensino do Carballiño, acompañados polo seu profesorado, acudiron ao auditorio para asistir a unha representación teatral, que correu a cargo da compañía Trémola Teatro.
Esta escenificación, á que asistiu a concelleira de Educación, Lorena Castro, consistíu nun contacontos teatralizado a cargo de Paula Regueiro baixo o título “Historias soñadas”, baseado en textos de Rosalía de Castro. No seu argumento cóntase que dende nena, as ventás tiveron moita presenza na vida de Rosalía, por iso, é a través delas onde descubrimos toda a maxia do seu mundo. Unha obra que mestura poesía, cancións é musica para achegar as crianzas a unha das figuras mais importantes do Rexurdimento Galego.
