Boborás poderá estrear a súa piscina este verán, aínda que sexa o último mes estival. Así o anunciou a súa alcaldesa, Patricia Torres, quen tamén lamentou que a execución das obras previstas para oito meses tivesen varios retrasos, aínda que agora xa están solventados.
Nesta zona concéntranse varios edificios públicos, como o CEIP Nosa Señora de Xuvencos, o edificio de uso sociocultural Manuel Chamoso Lamas, o pavillón polideportivo e unha pista polideportiva ao aire libre.
O Concello de Boborás pretende que esta concentración de equipamentos públicos nun espazo limitado permita interactuar entre os usuarios.
