A pesar de que en Arnoia hai festas de gran tradición, é a Festa do Pemento, o seu produto gastronómico por excelencia, a que ten maior capacidade de convocatoria. Celebrarase os días 4, 5 e 6 de agosto e está declarada Festa de Interese Turístico Galego.
O venres 4 de agosto comeza ás 21.00 horas a XLIV Festa do Pemento coa recepción de autoridades e inauguración oficial a cargo do humorista galego Víctor Fábregas e acompañado polo grupo Airiños da Arnoia e a banda de música CLK.
Ás 23.00 horas comezará o festival co grupo Funçao Publika e a discoteca móbil MVP Music.
Sábado 5, ás 10:30 horas, terá lugar a IV Concentración A Arnoia de Vehículos Clásicos do Cement. Ás 12.20 horas poderase gozar da actuación da banda de música Sorcha.
Ás 17.30 horas haberá unha gran festa infantil con xogos, festa da espuma, olimpíadas…
Ás 21.30 horas comezará o Festival de Pandereteiras A Arnoia Viva, que contará coa actuación de Pan sen Fron, Pandereteiras de Sadeo e Airiños de Arnoia. Ás 12:00 horas comezará o festival coa orquestra Cinema e o disco móbil MVP Music.
Domingo 6, ás 12:30 horas os asistentes a esta xornada poderán participar no oficio da misa campestre e ofrenda dos froitos da nosa terra, dando paso á actuación de Baile e Gaitas Airiños de Arnoia.
Ás 20:15 horas o local estará amenizado pola banda de música CLK, ás 22:30 horas poderase gozar da actuación de Bafana Bafana e ás 12:00 horas co grupo Broken Peach.
