As festas patronais do San Cibrao chegaron ao Carballiño esta pasada fin de semana, facendo fronte á choiva, que non puido lograr que se cancelasen os eventos programados. Un deles foi a primeira edición da concentración de coches clásicos do San Cibrao. Puidemos ver polas rúas auténticas obras de arte e nun estado inmellorable.
O sábado rematou coa gran tirada de fogos de artificio. Xa para o domingo, día grande, a choiva fixo que a procesión modificase o seu rumbo, seguida por un gran número de fieis que non quixeron perdela. O San Cibrao percorreu as rúas, para volver á Veracruz para a súa misa solemne. Estivo acompañada pola banda de música da Limia. Entre os pratos fortes, o luns foi a orquestra Panorama a que puxo o punto final.
