– Este pasado xoves, ás 9 da noite, a Ca s a B r u e s en Boborás foi o escenario da última reunión da As o ci a ci ó n N ovo R u ra l, onde se deu paso a un importante avance na promoción do desenvolvemento rural sostible na provincia de Ourense.
O encontro reuniu a membros fundadores e novos socios, consolidando a visión de fortalecer os lazos comunitarios e promover ideas innovadoras que impulsen o progreso nas zonas rurais. Entre os temas centrais debatidos, destacaron a mobilidade sostible e eficiente como eixo fundamental para o desenvolvemento equitativo das áreas rurais, para un maior aproveitamento da chegada do AVE á provincia.
A atención tamén se dirixiu ao coidado e xestión axeitada da provincia de Ourense como destino termal, recoñecendo o seu enorme potencial para atraer turismo sostible. Neste contexto, a preocupación pola xestión dos fondos do GDR 12 Carballiño Ribeiro foi un punto de interese crucial durante a reunión.
Ademais, é notable a iniciativa promovida pola Xunta de Galicia, que impulsará un novo plan cunha dotación de 1,5 millóns de euros. Este plan ten como obxectivo atraer un turismo sostible aos 21 concellos do Ribeiro e do Carballiño, representando un paso significativo cara á diversificación económica e ao crecemento sostible nas zonas rurais da provincia, ainda que en Novo Rural, preocupa que se comece a casa polo tellado, de que sirve por exemplo, “implantar medidas de realidade aumentada para coñecer a tradición enogastronómica do territorio” (medida que está no Plan de sustentabilidade turística) se os visitantes non teñen forma de chegar ós nosos negocios, ou a fibra óptica non chega a tódolos concellos.
A Asociación Novo Rural reafirma o seu compromiso co desenvolvemento responsable, a preservación do patrimonio natural e cultural, así como coa promoción dun turismo sostible que beneficie tanto ás comunidades
locais como aos visitantes. Continuará traballando en colaboración con entidades e institucións pertinentes para levar adiante estas accións e promover o crecemento harmonioso do rural galego. Galicia é o futuro do turismo, como eixo vertebrador do rural.
