A vindeira semana, o recinto de IFEMA de Madrid acollerá a Feira Internacional de Turismo FITUR. Coma cada ano, O Carballiño e O Ribeiro estarán presentes, aglutinados dentro do Xeodestino. Cada ano presentan o potencial turístico dos concellos que forman parte das dúas comarcas, tanto no eido cultural coma enogastronómico.
Dentro do stand de Galicia, este ano apostarán por destacar o termalismo baixo o lema “O corazón termal de Galicia”. O Carballiño é un fiel expositor nesta feira, e segundo o seu concelleiro de Turismo a promoción neste tipo de eventos foi un dos puntos chave para conseguir a internacionalización da Festa do Pulpo.
