O Novo Cine de Leiro actualiza a súa carteleira para esta Semana Santa. O venres, sábado e domingo, en horario matinal, ás 12:00 horas, proxectarán “Guardianes del museo”, para os máis pequenos da casa. Un mozo gato chamado Vincent fai equipo cun ratiño chamado Maurice nun intento de escapar dunha inundación nun vello piano. Un grupo de mariñeiros recolle o instrumento e envíano ao museo. Aquí, Vincent coñece a un escuadrón de gatos de elite que levan anos protexendo obras mestras dos roedores e outras alimañas.
Todos os días, ás 16:00 horas, proxectarán a cuarta entrega para os máis pequenos da casa de ”Kunfu Panda”. Po, que se converterá no Mestre Espiritual do Val da Paz, busca o seu sucesor como o novo Guerreiro Dragón mentres loita contra un novo inimigo chamado “O Camaleón”.
Tamén todos os días, ás 17:45 horas e o luns e xoves próximos ás 16:00 horas, a última entrega dos “Cazafantasmas”. Despois dos acontecementos de Oklahoma, o equipo dos Cazafantasmas regresa a onde todo comezou: Nova York! A historia da familia Spengler continúa cun novo grupo de Cazafantasmas.
Os mesmos días, ás 20:00 horas, a gañadora de dous premios Óscar, “La zona de interés”. O comandante de Auschwitz Rudolf Höss e a súa esposa Hedwig esfórzanse por construír unha vida de soño para a súa familia nunha casa con xardín preto do campamento.
E o venres, sábado e domingo, ás 22:00 horas, a segunda entrega de “Dune”. Despois dos acontecementos da primeira parte acontecidos no planeta Arrakis, o mozo Paul Atreides únese á tribo Fremen e comeza unha viaxe espiritual e marcial para converterse nun mesías, mentres trata de evitar o horrible pero inevitable futuro do que foi testemuña: unha Guerra Santa. no seu nome, que se estende por todo o universo coñecido…
