A D.O. Ribeiro álzase con tres Grandes Ouros, oito Ouros e sete Platas no XXII Concurso Internacional de Viños Bacchus 2024, celebrado do 15 ao 19 de abril nas instalacións do Casino de Madrid.
Os viños A Telleira Godello 2023, de Adegas Campante, Libro 2022 de Antonio Cajide Gulín e Tamborá 2023 de Viña Costeira recibiron senllos Grandes Ouros do concurso. As mostras merecedoras dos galardóns do xurado en obter o Bacchus de Ouro foron 1040 Sameirás 2022, Amadeus 2023, Beade 25 Autor 2022, Catro Parroquias 2023, Colección 68 2023, Pingas de Mar Fermentado en barrica 2022, Pingas de Mar Godello 2022 e Ramón do Casar Godello 2023. As marcas Adega do Moucho 2020, Adeus Treixadura 2023, Castro do Coto Treixadura 2023, Catro Parroquias Treixadura 2023, Cuñas Davia A Xiada 2023, Leira Viñoa Embotellado Tardío 2021 e Pazo Tizón 2022 foron distinguidas cunha prata no certame.
O presidente do C.R.D.O. Ribeiro, Juan Manuel Casares comenta: “estamos moi felices porque logramos tres grandes ouros neste concurso, resultando así a máis premiada de Galicia con este “metal”. Isto demostra que seguimos no camiño correcto do recoñecemento da calidade dos nosos viños, o que vai reafirmando día a día ás nosas adegas e zona como un referente a nivel nacional e internacional.”
Preto de 2.000 viños participaron na cata concurso organizada pola UEC (Unión Española de Catadores) #ante un gran elenco de catadores profesionais, xornalistas especializados, catadores, enólogoes/enólogos, Masters of Wine e Masters of Sommelier internacionais en representación vinícola dos cinco continentes.
Concurso Bacchus
Bacchus é o único concurso internacional de viños en España que pertence na actualidade a VINOFED, a federación que integra aos máis reputados concursos a nivel mundial. A iso únese o feito de estar recoñecido pola Organización Internacional da Viña e o Viño (OIV) e o Ministerio de Agricultura, Alimentación e Medio Ambiente (MAGRAMA) de España. Tres organismos de prestixio que confirman a Bacchus como referente mundial.
