O vindeiro sábado día 7 de marzo o Consello Regulador da
Denominación de Orixe Protexida Ribeiro organiza unha conferencia-debate co título
“Oportunidades nos mercados nacionais e internacionais para os viños da D.O.
Ribeiro”. Esta acción celebrarase no Mosteiro de San Clodio de Leiro a partir
das 10:20 da mañá e enmárcase na programación de actividades formativas e
divulgativas, que baixo o lema “Onde o mundo se chama Ribeiro”, vai desenvolver
o Consello Regulador durante o ano 2020. A entrada será libre e de balde.
Nesta acción analizarase, a través das miradas
complementarias de Manuel Juliá Dorado e Manuel Villanueva de Castro, a realidade
actual do mercado do viño, tanto a nivel nacional como internacional, así como
o reto dos viños do Ribeiro para gañar presenza neles.
Manuel Juliá Dorado, Director da Feira Nacional do Viño
(Fenavin), centrará a súa intervención na análise das tendencias do mercado,
desde unha visión xeral dos viños españois e en particular do Ribeiro. Fará
fincapé na necesidade de aumentar a presenza nos mercados internacionais e nas
características que deben ter os viños para acceder aos mesmos; unha presenza que
é preciso aumentar dados os reducidos volumes de exportación no caso dos viños
de Galicia en xeral e do Ribeiro en particular. A partir da súa experiencia na
dirección de Fenavín, a primeira feira de viño español do mundo especializada
na exportación, Manuel Juliá tamén nos achegará á forma de aproveitar de
maneira satisfactoria os instrumentos de negocio que dita feira ofrece.
PUBLICIDADE ELECTORAL
Manuel Villanueva de Castro, Director Xeral de Contidos de
Mediaset e Embaixador do Viño de Fenavin, abordará, desde a óptica do coñecedor
do mercado do viño e do consumidor, todos os retos que ten o Ribeiro para
catapultar a súa marca, non soamente a partir dos seus viños, senón poñendo en
valor a súa historia, o territorio, a paisaxe, a gastronomía e os seus recursos
termais.
Obxectivos
da xornada
A partir do salto
cualitativo que deron os viños do Ribeiro, e os novos espazos que foron gañando
en prestixio e difusión, chegou o momento de dar o salto sobre a curva da
experiencia aproveitando o gran potencial dos seus viños brancos e tintos, que
gardan a historia á vez que aparecen como un novo escintileo de orixinalidade
que supón todo un achado para o consumidor. Tal é o caso dos seus viños
tostados que completan a cobertura de sobremesa.
A xornada está pensada
para construír relacións de valor para a D.O. e achegar a realidade e as
potencialidades da zona do Ribeiro a líderes de opinión do mercado nacional do
viño, poñendo en valor o seu territorio, a súa autenticidade e a súa
singularidade.
Segundo Juan M. Casares,
presidente do CRDO Ribeiro, “queremos revalorizar o Ribeiro como enocomarca
histórica vitivinícola, proxectando o seu territorio, o seu saber facer, a súa
imaxe e a dos seus viños, en líderes de opinión e gañalos para a causa do
Ribeiro de forma que poidan actuar como os nosos embaixadores no mercado.”
Afirma Juan Casares que,
“dentro das accións para desenvolver no marco do Plan Estratéxico do Ribeiro
queremos convidar a todas aquelas persoas cuxa experiencia e coñecemento
permítannos enriquecer o proceso de implantación do devandito Plan mediante
xornadas de traballo con elas”
Utilizamos cookies para asegurar que damos a mellor experiencia ao usuario no noso sitio web. Se continúa utilizando este sitio asumiremos que está de acordo.Estou de acordoAviso legal e Privacidade
