Desde o BNG do Ribeiro denunciamos o estado de abandono en que se encontra o edificio da EVEGA, situado no concello de Leiro.
A Consellería de Medio Rural ten nunha situación de precariedade un edificio que debería ser un referente nos avances relacionados co mundo do viño na Galiza. A falta de recursos e de persoal neste centro está supondo un lastre para a modernización do traballo das e os viticultores da nosa comarca. Esta é una mostra máis do desinterese e o desleixo mostrado pola Xunta de Galiza no referente aos sectores productivos do noso país.
É por isto que desde o BNG vimos de introducir no Parlamento de Galiza unha proposición chamando ao mantemento e ao arranxo dunhas instalacións que deberan de ser vangarda na investigación vitivinícola da Galiza.