Máis dun centenar de persoas acolleron esta iniciativa organizada polo Centro de Estudos Chamoso Lamas en colaboración coa Asociación Veciños de Madarnás e Concello do Carballiño e do Irixo. Os guías Adolfo Otero e Jorge Lamas achegaron aos participantes coñecementos sobre o parque arqueolóxico e a importancia dos petroglifos. Ao finalizar a andaina, a Asociación de Veciños de Madarnás prestou o seu local social para unha queimada conxunta de despedida.
