Os ex-alumnos do IES Nº1 Pablo Marino Fernández Abraldes e Antonio Adrián González Pedrouzo premios extraordinarios de grao na Universidade de Vigo

Os dous ex-alumnos do IES Nº1 ( fixeron 2º de bacharelato no curso 2016-17 ) Pablo Marino Fernández Abraldes e Antonio Adrian González Pedrouzo recibiron o premio extaordinario de grao na Universidade de Vigo

Pablo Marino o de Enxeñería Electrónica Industrial e Automática.

AVANTAR ACTIVIDADES

Video ca entrega do premio a Pablo Marino Fernández Abraldes


Antonio Adrián o de Enxeñería Informática

Video ca entrega do premio a Antonio Adrian González Pedrouzo


A entrega tuvo lugar o venres día 28 ( festividade de Santo Tomás de Aquino, patrón da institución ) no salón de actos da Facultade de Ciencias Económicas e Empresariais.

VIDEO co acto completo de entrega dos premios

Antonio Adrián ( minuto 20 ) Pablo Marino ( minuto 25:30 )

Estaban convidadas autoridades académicas e un grupo dun centenar de estudantes de grao, máster e doutoramento, galardoados cos Premios Extraordinarios de Grao, Premios Extraordinarios de Doutoramento e Premio Egeria á inclusión da perspectiva de xénero nos traballos de fin de grao e de fin de máster. Ademais, o acto foi retransmitido por UVigo TV.

O reitor, Manuel Reigosa, presidiu a celebración e o secretario xeral, Miguel Ángel Michinel, foi o encargado de ler os nomes das persoas premiadas, que recibiron as correspondentes medallas, insignias e diplomas.

En total, entregaronse 50 Premios Extraordinarios de Grao, 53 Premios Extraordinarios de Doutoramento (23 correspondente ao curso 2019-20 e outros 30 correspondentes ao curso 2020-21); e 6 Premios Egeria.

A cerimonia completouse co discurso do reitor e coa actuación musical de Xoan Curiel a dúo con Iria Estévez, que pecharon a celebración, como é tradicional, coa interpretación do himno da Universidade, ‘ Gaudeamos Igitur‘.