Este xoves entregáronse no multiusos fontes do Sar os diplomas que acreditan aos mellores expedientes logo de realizar as ABAU. No acto, que organiza a Universidade de Santiago, estivo presente a alumna Noa Rodríguez Nogueira do IES M. Chamoso Lamas que, cunha cualificación final dun 9,78 convertiuse na cuarta mellor nota da provincia e logo de sumarlle a parte específica vaise a un 13,680, rozando a perfección que se acada cun máximo de 14.
Noa, que estudiou tanto o bacharelato como a ESO no IES M. Chamoso Lamas, plantexa agora o seu futuro pensando nun dobre grado de criminoloxía e psicoloxía.
Noraboa por eses resultados
