O grupo municipal do partido popular no concello do Carballiño avoga por unha praza de abastos próxima os veciños/as, atractiva a tódolos efectos e que supoña unha dinamización dos postos existentes e a creación/recuperación de novos. A súa petición fixérona a través da seguinte moción que levarán a pleno:
“É obrigación de calquera institucións velar pola promoción, mantemento e desenvolvemento de todas as súas instalacións, así como da actividade que nelas se desenvolve. Non é unha excepción as prazas ou mercados municipais.
A actividade comercial da praza de abastos é un problema que ven de lonxe, hai moitos anos que por parte do concello non se actualizan as instalacións e tampouco se dinamiza o potencial comercial da mesma, sobre isto deberíamos reflexionar e buscar fórmulas para facer o mercado mais atractivo tanto para quen queira abrir un novo negocio como para potenciar a clientela.
Neste sentido basta unha visita o mesmo ou unha reunión cos que alí están hoxe, para constatar unha serie de problemas que se levan arrastrando anos e que en ningún momento se viron atenuados, tan só algunha mellora puntual que agora mesmo nin
se aprecia.
As instalacións están descoidadas, desfasadas e moi necesitadas dunha revitalización e dinamización que dea vigor ao mercado. A esta situación chegouse por unha falta de inversión sostida no tempo que desencadeou o que hai hoxe en día. Exemplos desta falta de modernización é, non dispor de Wifi, o sistema de climatización é inexistente, a accesibilidade deixa moito que desexar, e a maiores, o non contar cuns postos atractivos e iguais en deseño e decoración, como o seu estado de conservación non contribúe precisamente a unha imaxe do que debería ser.
En canto a promoción do propio mercado observamos unha insuficiente sinalización no seu interior, de portas a fora tampouco é moito mellor, non constan carteis polo pobo con
indicacións que inviten achegarnos a el; bótase en falta campañas de publicidade específicas que sirvan para dalo a coñecer entre a xente mais nova e promover o recambio xeracional entre a clientela.
A lexislación que regula a praza ou mercado de abastos está obsoleta, a mais recente data do 30 de xullo 1.965 , polo que non estaría de mais elaborar a mesma e así saber con que postos contamos, darlle unha ocupación os que están baleiros sen
prexudicar os actuais, contribuír a incorporación de novas actividades comerciais, regular o prazo de concesión, o procedemento, o canon….etc
Despois de moitos anos, despois do paso de distintos grupos municipais, tanto no goberno coma na oposición sen ser capaces de rehabilitar, fixar e crear novos postos de traballo traemos a pleno unha moción para a transformación do actual mercado así
como a proposta de sacar polo procedemento mais adecuado os postos baleiros. Somos conscientes que este é un traballo de todos e entre todos.
Precisamos orientalo de tal maneira que as dúas plantas das que dispón, sexan un punto de referencia e sexa unha das opcións mais demandada na nosa actividade comercial.
Contando coa excelente localización, o grupo municipal do PP no Carballiño está convencido que este proxecto levado a cabo co mimo e a consideración que precisa será outro reclamo turístico co que contaría este concello.
Hoxe en día, calquera dos mercados rehabilitados, de calquera concello xa non supón so a posibilidade de novos postos de traballo, de actividade económica, de motor de desenrolo senón que son unha atracción turística mais.
SOLICITAMOS:
- Que se elabore a normativa, chegando a un consenso entre tódolos grupos, para regular a actividade comercial na praza de abastos.
- Que se inclúa nos orzamentos deste ano unha partida orzamentaria específica para a rehabilitación da actual praza de abastos.
- Que se promova o concurso ou aquel procedemento que resulte mais adecuado para cubrir tódolos postos baleiros e se amplíe a oferta demandando outras actividades comerciais.
- Modernizar o sistema de xestión da praza para adaptalo aos novos tempos, mantendo reunións periódicas cos comerciantes e acordando con eles o desenvolvemento do mesmo (servizo de
pedidos, servizo de entrega, páxina web, bonos de aparcamento etc)”.
MOCIÓN SOBRE A XESTIÓN MUNICIPAL
Por outra banda, o PP leva outra moción na que xulgan a xestión municipal e piden explicacións ao goberno sobre o que se fixo en relación ás mocións aprobadas en pleno. O texto ínegro desta moción é o seguinte:
“Unha mala xestión municipal pode ter consecuencias importantes na calidade de vida dos veciños e no desenvolvemento sostible da localidade.
Cando un Concello non administra adecuadamente os seus recursos e establece prioridades erróneas ou non atende as necesidades da sua comunidade, xéranse problemas que poden ir dende a ineficacia nos servizos básicos ata a falta de transparencia.
Un exemplo palpable da mala xestión pódese observar na deficiente prestación dos servizos públicos esenciais como o mantemento dos espazos públicos, a limpeza e as infraestruturas.
A falta de planificación o abandono e a visión a longo prazo é un signo de mala xestión.
O caso que se fai o Pleno nas súas e as diferentes comisións e outro factor que axuda a mala xestión.
Relación de Mocións aprobadas polo Pleno e con pouca ou nula actividade
EXPEDIENTE 6924/2023. MOCIÓN PARA A XESTIÓN DO PARQUE MUNICIPAL. ACORDO:
Facer un Plan de Ordenación dos Recursos do parque Facer un Plan reitor de Usos do Parque
Ter unha brigada de obras múltiples (forestais, mantemento todo o ano) Arranxo do problema da Casa das Barcias.
EXPEDIENTE 6440/2023. MOCIÓN SOBRE PLAN DE CHOQUE LIMPEZA EN TODO O POBO.
ACORDO:
A elaboración e posta en marcha dun Plan Municipal de Choque de limpeza do Carballiño.
EXPEDIENTE 6340/2023. MOCIÓN SOBRE A MELLORA FUNCIONAMENTO DA XESTIÓN DEPORTIVA E INTEGRAL DAS INSTALACIÓNS DEPORTIVAS DO CONCELLO.
ACORDA:
- Información a comisión informativa da Xestión Municipal na área de Deportes de forma mensual.
- Concorrer a tódolos convenios e subvencións posibles para a mellora e ampliación das instalacións deportivas.
- Mellora da comunicación coas escolas, asociacións e clubs deportivos en todo o referido a área deportiva (axudas e subvencións tanto municipais como de outras administracións; horarios, accesibilidade das instalación, etc..)
- A disposición da pista roxa para o seu goce durante todo o ano, con actividades deportivas programadas dende o concello sin que teña lugar a ocupación da mesma con distintas atraccións, especialmente no período estival.
- Mellora da xestión municipal en canto a apertura de instalacións e xestión do persoal do Concello.
EXPEDIENTE 9037/2023. MOCIÓN PARA CONTAR CUN CENTRO DE DÍA PÚBLICO NO CARBALLIÑO.
ACORDO:
1.- Que o Concello do Carballiño solicite oficialmente á Xunta de Galicia a construción dun Centro de Día público.
EXPEDIENTE 9039/2023. MOCIÓN PARA ELABORACIÓN DUN PLAN DE HUMANIZACIÓN DAS RÚAS DO CARBALLIÑO.
ACORDO:
1.-Que se elabore un Plan de Mobilidade Urbana Sostible das rúas do Carballiño para executar nos vindeiros anos. Sendo as 11:26h o Alcalde fai un receso, comenzando de novo a Sesión as 11:46h
EXPEDIENTE 9036/2023. MOCIÓN PARA SOLICITAR AO CONCELLO DO CARBALLIÑO ADHERIRSE A REDE ESPAÑOLA DE CIDADES SAUDABLES.
ACORDO:
1.- Que o Concello do Carballiño se adhira a esta rede para potenciar todas estas medidas mencionadas anteriormente en beneficio dos seus veciños/as
EXPEDIENTE 8648/2023. MOCIÓN PARA QUE O CONCELLO SOLICITE A DOCUMENTACIÓN RELATIVA AO ASILO.
ACORDO:
Que o Concello do Carballiño solicite oficialmente ao Padroado da Fundación Irmáns Prieto e ao Protectorado da área de Política Social da ¨Xunta de Galicia toda a documentación relativa ás actas das reunións do Padroado, os balances económicos dende que o Concello no ten datos nun prazo de dous meses e os documentos de propiedade de tódolos bens da Fundación.
EXPEDIENTE 8649/2023. MOCIÓN PARA QUE SE EFECTÚE UNHA AUDITORÍA DE SEGURIDADE DE TÓDOLOS PARQUES INFANTÍS.
ACORDO:
Que o Concello do Carballiño realice unha auditoría de seguridade de todos e cada un dos parques infantís existentes no termo municipal.
EXPEDIENTE 8647/2023. MOCIÓN DO PP PARA SOLICITAR O TRASPASO DA CASA SINDICAL DO MINISTERIO PARA O CONCELLO DO CARBALLIÑO.
ACORDO:
- Que o concello do Carballiño, leve a cabo o procedemento adecuado para o alleamento de dito edificio para o uso dos veciños/as de Carballiño
- Que se incluía nos vindeiros presupostos do Concello unha partida específica para tal fin.
EXPEDIENTE 6445/2023. MOCIÓN PARA A MELLORA DA SEGURIDADE PÚBLICA DO CONCELLO DO CARBALLIÑO.
ACORDO:
- Información á comisión informativa da Xestión Municipal na área de Seguridade de forma mensual.
- Mobilización dos corpos de seguridade de forma preventiva e disuasoria nas áreas de concorrencia de persoas, tanto de día como de noite.
- Campañas de sensibilización de civismo e antidrogas.
- Incremento de limpeza no Carballiño en xeral e en particular nos lugares de ocio.
EXPEDIENTE 6930/2023. MOCIÓN PARA INSTALACIÓN DUN CAISS NO CARBALLIÑO.
ACORDO:
1. O Concello do Carballiño dirixirase ao Ministerio de Inclusión, Seguridade Social e Migracións para que se instale un CAISS na nosa vila.
EXPEDIENTE 6918/2023. MOCIÓN PARA UN MELLOR FUNCIONAMENTO DAS ESCOLAS MUNICIPAIS.
ACORDO:
- Que se facilite toda a documentación existente no Concello relativa ás diferentes escolas municipais e a súa cesión aos clubs.
- Que se facilite canto antes aos usuarios toda a información de como se van a desenvolver as diferentes actividades do curso 23/24.
EXPEDIENTE 6928/2023. MOCIÓN PARA A REPOSICIÓN OU ARRANXO DE MOBILIARIO URBANO E ILUMINACIÓN.
ACORDO:
- Impulsar un plan de mellora no alumeado público, facendo fincapé naquelas zonas con iluminación deficiente ou sen ela, cambiando as bombillas actuais polas de baixo consumo.
- Elaborar unha relación de incidencias onde se recollan todas as necesidades que hai no noso concello respecto a infraestruturas peonís, viarias e de mobiliario.
- A substitución ou arranxo do mobiliario urbano, e un seguimento por parte do concello
EXPEDIENTE 7584/2023. MOCIÓN PARA APERTURA AULA DE ESTUDO 24 HORAS E MELLORA DA BIBLIOTECA MUNICIPAL.
ACORDO:
- O Concello do Carballiño habilitará unha sala de estudo 24H adecuada para o desenvolvemento das actividades académicas, regradas ou non, ofrecendo as comodidades necesarias para que os estudantes poidan estudar nun ambiente tranquilo e coa imprescindible concentración.
- O Concello do Carballiño debe iniciar, dunha vez por todas, un proceso de procura de solucións deficiencias actuais na biblioteca municipal.
- O Concello do Carballiño sacará a concurso as prazas vacantes de persoal da biblioteca
EXPEDIENTE MOCIÓN PARA A CREACIÓN DUN GRUPO DE TRABALLO E SEGUIMENTO CO FIN DE SOLUCIONAR O PROBLEMA DAS INSTALACIÓNS DEPORTIVAS.
ACORDO:
Á creación dunha comisión/grupo de traballo e seguimento formado por tódolos grupos da corporación co fin de activar os mecanismos oportunos para dar resposta a urxente necesidade de ampliación e mellora de instalacións deportivas na vila
Polo que despois de sete meses de goberno e nove plenos; Solicitamos :
- A Reprobación dos Grupos a MALA XESTIÓN do Grupo de Goberno do Concello de Carballiño
- Que se actúe nas moción que se levan o Pleno.
- Que cambie a actitude do Grupo de Goberno do concello do Carballiño e empece a traballar dunha forma eficiente e eficaz con coordinación cos demais grupos políticos“.