A Igrexa Parroquial de San Cibrao acollerá o ciclo de conferencias de Semana Santa que inicia este luns, 18 de marzo, o fraile Francisco Castro Mira montes, rector do Santuario de Santa María a Real do Cebreiro, e que continuará o mércores, 20 de marzo, o historiador carballiñés David Chao Castro.Comeza esta tarde o ciclo de conferencias de Semana Santa programado pola Confraría da Veracruz e que leva por título xenérico o de “Ante a Semana Santa: un relato de Paixón”. A primeira conferencia correrá a cargo do fraile franciscano e rector do Santuario de Santa María a Real do Cebreiro, Francisco Castro Miramontes. A súa conferencia, que terá lugar na Igrexa Parroquial de San Cibrao, a partir das 20,00 h, leva por título “Los santos lugares: El camino de la fe”. Francisco Castro Miramontes, nado en Santiago de Compostela no ano 1971, é licenciado en Dereito civil e canónico e diplomado en Sagrada Escritura, e leva impartido numerosas conferencias e publicado diversas obras.
SANTUARIO DA VERA CRUZ
O ciclo continúa o mércores 20 de marzo, á mesma hora, 20,00h, e no mesmo lugar, vella igrexa parroquial, coa conferencia do historiador carballiñés e profesor da Facultade de Historia de Santiago de Compostela David Chao Castro, que disertará sobre o tema “Do San Sepulcro de Xerusalén ao Santuario da Vera Cruz de Antonio Palacios”.David Chao, que é especialista en historia medieval, referirase a bo seguro, entre outros aspectos, á reliquia do “lignum crucis” existente no templo carballiñés, así como ao cento cincuenta aniversario do nacemento do arquitecto que ideou o santuario e emblema arquitectónico do Carballiño.
