Xuntos e Xuntas é un proxecto impulsado pola asociación de Colleiteiros do Ribeiro para transformar unha situación de crise coma a do COVID-19 nunha oportunidade, unindo as nosas forzas, para acceder a unha canle, coma a de alimentación a que, fundamentalmente por tamaño, non tiñamos acceso, e que agora xa podemos acceder grazas ao programa MERCAPROXIMIDADE da Conselleria de Medio Rural. Os viños de Colleiteiro se atopan entre os máis premiados e apreciados polos consumidores, pero a situación de peche da hostalaría amosounos que non son tan accesibles como pensabamos, ao non estar nos lineais dos supermercados e grandes superficies. Con este proxecto pretendemos dar máis visibilidade aos nosos viños de Colleiteiro e achegar ao público o segmento de viños de calidade do Ribeiro. Xuntas e Xuntos son dous viños, tinto e branco, que baixo o criterio técnico de dous dos mellores enólogos de Galicia, como Álvaro Bueno e Pablo Estévez, reproducen a excelencia dos viños de Colleiteiro dos que se nutren. Pero non so están xuntos os nosos viños, xuntas tamén as castes autóctonas do Ribeiro, xuntos os nosos vales, os nosos proxectos... porque xuntos e xuntas imos saír desta. Tamén colaboran neste proxecto os nosos provedores que sempre están apoiando cando é máis necesario. O primeiro lote 1 de Xuntos estará formado por 5334 botellas de viño branco elaborado entre todas as castes brancas do Ribeiro (67,3% treixadura, 14,4% de Godello, 11,6% de Albariño y un 6,7% entre Loureira, Torrontes, Lado y Caiño Branco) é foi viño aportado por 10 colleiteiros. O Lote 1 de Xuntas serán 1332 botellas de viño tinto (27,5% Caiño, 23,8% Mencía, Souson 18,1%, Brancellao 15,6% y Ferrón 15%) no que participan os viños de 4 colleiteiros. O viño presentouse oficialmente hoxe as 12.00 na terraza do club nautico de Castrelo de Miño.
Na presentacion interviron:
Alcalde de Castrelo de Miño
Presidenta da CEO
Presidente do CRDO Ribeiro
Director de AGACAL
Presidente da Asociación de Colleiteiros do Ribeiro
Vicepresidente da Diputación de Ourense