O pleno de decembro deu luz verde a este programa, no que se destinan, entre outras partidas, máis de 4 millóns a obras nos concellos e 1,5 millóns a melloras na rede viaria provincial
A corporación aprobou tamén as bases para subvencións a proxectos empresariais ou de auto-emprego en municipios rurais en declive demográfico, no marco do proxecto EmprendOU; e, asemade, a modificación do programa para co-financiar a rede provincial de espazos culturais e a súa programación
Ourense, 18 de decembro de 2020.- O pleno ordinario da Deputación de Ourense, celebrado hoxe, por vía telemática por mor das medidas de prevención do COVID-19, aprobou o Plan Provincial de cooperación cos concellos e de estradas 2021, e o Plan complementario, cunha dotación total de 15,3 millóns de euros. Neste sentido, entre as partidas orzamentarias deste plan figuran máis de 4 millóns de euros a obras nos concellos e 1,5 millóns para melloras na rede viaria provincial.
A corporación aprobou tamén hoxe as bases para subvencións a proxectos empresariais ou de auto emprego en municipios rurais en declive demográfico da provincia, no marco do proxecto EmprendOU, e a modificación do programa para o co-financiamento da rede provincial de espazos culturais e da súa programación.
Acordos do pleno:
Concello de Vilamarín. Delegación de xestión dos tributos
Acordo:
Aceptar a delegación de competencias efectuada polo Concello de Vilamarín a favor da Deputación Provincial para a xestión tributaria, liquidación e recadación voluntaria e executiva (ICIO só executiva), así como a revisión dos actos ditados dos seguintes tributos e ingresos de dereito público: Imposto de bens inmobles (IBI), Imposto sobre vehículos de tracción mecánica (IVTM), Imposto sobre actividades económicas (IAE), Imposto sobre construcións, instalacións e obras (ICIO) en executiva, Taxa pola recollida de residuos sólidos urbanos, Taxa polo abastecemento de auga (excepto os dereitos de conexión á rede xeral), e a recadación dos gastos derivados de execucións forzosas.
Concello de Larouco. Delegación de xestión de tributos
Acordo:
Aceptar a delegación de competencias efectuada polo Concello de Larouco a favor da Deputación Provincial para a xestión tributaria, liquidación e recadación voluntaria e executiva, así como a revisión dos actos da taxa polo abastecemento de auga domiciliaria nas condicións recollidas no acordo de delegación do Concello de Larouco.
Proxecto EmpredOU
Acordo:
Aprobar a modificación do texto refundido das bases reguladoras das subvencións para proxectos empresariais ou de auto-emprego en municipios rurais de menor poboación, no marco do proxecto EmprendOU, publicado no Boletín Oficial da provincia de Ourense, de data 07 de maio de 2020 (BOP número 107). O obxecto destas bases é a regulación da tramitación, concesión e xustificación das subvencións que outorgue a Deputación Provincial de Ourense, en réxime de concorrencia non competitiva, a persoas físicas que leven a cabo proxectos empresariais e/ou de auto emprego en municipios rurais en declive demográfico da provincia de Ourense durante o exercicio 2019, 2020, 2021 e 2022, no marco do proxecto EmprendOU.
A subvención á que poderán acceder as persoas solicitantes consistirá nunha axuda económica equivalente ao 75 % do salario mínimo interprofesional por cada mes de exercicio efectivo da actividade subvencionada, cun mínimo de 6 meses e un máximo de 12 meses. Estes períodos terán que cumprirse antes do 31 de decembro de 2022, data límite ata a que se subvencionarán os proxectos presentados. As solicitudes poderán presentarse en calquera momento dende a publicación da convocatoria e ata o 30 de xuño de 2022.
Rede Provincial de Espazos Culturais
Acordo:
Aprobar inicialmente a modificación do Programa de cooperación da Deputación de Ourense cos concellos para o co-financiamento da rede provincial de espazos culturais e a programación coordinada de actividades a nivel provincial (REAOU). O obxecto destas bases é a regulación do Programa provincial de cooperación cos concellos no eido da cultura para o exercicio 2021, co obxecto de co-financiar e cooperar conxuntamente cos concellos no fomento e a difusión das artes escénicas e da música na provincia, a través da Rede de espazos culturais (auditorios, casas de cultura e centros multiusos) da provincia de Ourense, establecendo, así mesmo, o seu marco regulador para este exercicio.
Plan Provincial de Cooperación
Acordo:
Aprobar inicialmente o Plan provincial de cooperación ás obras e servizos municipais 2021 (Plan Base), co detalle que figura na relación de obras para o efecto redactada, co seguinte resumo:
| PLAN PROVINCIAL DE COOPERACIÓN E ESTRADAS | |||
| DEPUTACIÓN | CONCELLOS | TOTAL | |
| 1.- Obras municipais | 3.018.135,75 € | 1.129.247,08 € | 4.147.382,83 € |
| 2.- Adhesión á base 9ª | 1.252.364,25 € | 1.252.364,25€ | |
| 2.- Rede Viaria Deputación | 1.500.000,00 € | 1.500.000,00 € | |
| TOTAL | 5.770.500,00 € | 1.129.247,08 € | 6.899.747,08 € |
| PLAN COMPLEMENTARIO | |||
| DEPUTACIÓN | CONCELLOS | TOTAL | |
| Obras municipais | 1.960.000,00 € | 146.114,90 € | 2.106.114,90 € |
| Rede Viaria Deputación | 6.363.296,00 € | 6.363.296,00 € |
Someter o Plan a información pública mediante anuncio no BOP, para que se poidan formular alegacións ou reclamacións durante o prazo de 10 días. Se se presentan alegacións ou reclamacións o Plan debe ser sometido novamente a Corporación Provincial, para o acordo de aprobación definitiva. No caso de que non se presenten alegacións ou reclamacións, o Plan entenderase definitivamente aprobado, sen necesidade de novo acordo.
Ponte sobre o río Xares
Acordo:
Solicitar da Deputación que impulse a creación dunha comisión representativa entre as administracións (Xunta de Galicia, Confederación Hidrográfica, Deputación Provincial e Concello do Bolo), con representación dos partidos políticos representados na Deputación, para buscar solucións para reconstrución da ponte sobre o río Xares, que une as localidades da Barxa e Seixo no Concello do Bolo
Comercio de proximidade e produtores locais
Acordo:
-A Deputación de Ourense elaborará un censo dos produtores locais de cada un dos concellos da provincia.
-A Deputación de Ourense co obxectivo de fomentar o coñecemento dos nosos produtores daralle a difusión precisa entre a veciñanza e os comercios locais favorecendo as sinerxias entre os mesmos. Fomentando o tecido produtivo e comercial local, polos medios que se consideren oportunos.
-Instar á Xunta de Galiza a crear axudas directas e incrementar as existentes con cargo aos orzamentos da mesma para o comercio de proximidade e os talleres e empresas de artesanía.
-Instar ó Goberno do Estado a pór en marcha un modelo de impostos xustos e equitativos para as grandes empresas que operan no comercio online, de xeito que fagan un esforzo fiscal cando menos igual ao que soportan o comercio e produtores locais.
