A ANPA do Conservatorio do Carballiño, ante a crecente visibilización e dinamización das actividades realizadas polo CMUS de O Carballiño, vémonos na obriga de manifestar as nosas inquedanzas ante o que puidemos observar ó longo destes anos:
- Existe una descompensación preocupante entre a oferta e a demanda das materias e instrumentos que se ofertan no CMUS. Na actualidade quedan un total de 130 matrículas de excluídos.
- Recollemos por parte dos pais/nais de alumnos e profesorado o seu malestar pola falla de horas lectivas en determinadas especialidades.
- Dende a ANPA manifestamos a nosa latente preocupación ante a continua fuga de talentos musicais da nosa contorna a outros concellos onde si apostan pola cultura musical.
Ante esta situación, entendemos que é de recibo que este Concello, na representación do seu Alcalde, solucione na maior brevidade posible todas as demandas aquí expostas, xa que estamos no momento e lugar axeitados para poder resolvelo. Comprendemos as dificultades nas que nos atopamos na actualidade, pero confiamos firmemente na capacidade
resolutiva deste Consistorio.
