O Auditorio do Carballiño acolle ata o vindeiro 23 de agosto a exposición de cadros e figuras do artista Joaquín Moldes. O comisario desta mostra, Gonzalo Sellés, explícounos un pouco máis sobre as motivacións do artista, quen agradeceu a boa acollida durante este último mes e os acordos alcanzados co concello do Carballiño.
Esta mañá, o alcalde do Carballiño e o concelleiro de Cultura visitaron esta exposición, e animaron a todos os veciños e visitantes a pasar pola sala anexa para desfrutar desta mostra.
