O Concello de Ribadavia estrea unha nova imaxe institucional actualizada e susceptible de usos múltiples en formatos diversos. O Concello de Ribadavia encargou a un equipo multidisciplinar da Universidade de Santiago de Compostela un completo manual de imaxe institucional. Tomando como referencia o escudo heráldico de Ribadavia, o equipo da USC elaborou as diferentes propostas que darán cobertura á implementación dunha imaxe institucional actualizada e susceptible de usos múltiples en formatos diversos.
A proposta da USC, reflexada nun documento de 116 páxinas pormenoriza os diferentes elementos adaptados ao escudo orixinal, simplificando usos e coa correspondente proposta tipográfica.
Entre os diferentes usos propostos para a implementación da imaxe institucional do Concello de Ribadavia, contémplase:
• Totems de entrada e saída ao municipio
• Placas identificativas de cada área de goberno e servizos municipais (interior/exterior)
• Formatos para a web e redes sociais
• Novos deseños de toda a papelería do Concello
• Tarxetas profesionais
• Normas de convivencia con outras marcas asociadas ao Concello de Ribadavia
• Novo logo de turismo
O novo manual de imaxe institucional contempla a creación da nova marca “Ribadavia Turismo”, unha marca con imaxe propia que ten como finalidade a promoción dos distintos ámbitos do turismo de Ribadavia, tanto os derivados do lecer coma os relacionados coa cultura e o patrimonio.
