A comunidade galega rexistra hoxe 571 contaxios, un ritmo de novos positivos que ascende con respecto a onte, volvendo a superar o medio millar nunha xornada. Aínda así, o número de casos activos de coronavirus en Galicia a día de hoxe é de 9.780, unha cifra que descende en preto de 300 casos grazas ás altas. A ocupación das camas dos hospitais por enfermos covid hoxe presenta un descenso. Do total de pacientes positivos en Galicia, 55 (-3) están en UCI e 222 (-20) en unidades de hospitalización.
A Área Sanitaria de Ourense, Verín e O Barco de Valdeorras rexistra hoxe 51 contaxios novos, o dobre ca onte, e restando as altas, os casos totais baixan ata os 694 casos activos, 4 menos nesta xornada. Os hospitais hoxe presentan 30 (+3) persoas hospitalizadas en planta nos tres hospitais da provincia; e 7 (-1) na UCI.