“Xuntos polo Irixo” somos un grupo formado por veciñas e veciños de entre 33 e 67 anos, cun obxectivo común: darlle VIDA ao noso concello, O Irixo.
¡Afrontamos este reto con moitas ganas e ilusión!
Queremos impulsar un modelo de xestión participativo, colaborativo e transparente.
A nosa prioridade é o benestar da xente, a nosa xente. Atender as súas necesidades reais sen descoidar a ninguén, porque O IRIXO SOMOS TODOS.
O que nos levou a tomar esta iniciativa é o abandono que presenta o noso concello.
Pobos sen un acceso ben acondicionado, problemas no suministro das augas, camiños sen limpar, casas e muros caendo,…
A nosa xuventude que non queda a vivir no Irixo por falta de oportunidades e facilidades.
Xente que ven para O Irixo en busca de paz e tranquilidade, non reciben unha boa acollida nin a axuda necesaria.
Os nosos maiores, eses que deixaron o lombo por nós, sen unha atención de calidade.
Negocios locais sen recibir o impulso que precisan para subsistir,…
Estas situacións, e moitas outras, entristécennos e fannos reaccionar. E aquí estamos, unidos e ao carón da xente, para que O Irixo non morra.
