Este luns comezaron na Deputación de Ourense os traballos preliminares para a limpeza da fachada do Pazo Provincial, logo dos importantes danos sufridos polo lanzamento de pintura, botes de fume e petardos contra esta parte do histórico inmoble durante a concentración dos bombeiros comarcais convocada en Ourense o pasado 23 de outubro.
Técnicos en restauración aplicaron ata catro disolventes non abrasivos sobre diversas partes da fachada, e de modo particular nas columnas situadas na porta principal, para observar cal dos tratamentos aplicados ocasionaría menos dano á pedra. Inicialmente foron os xeles con alcol os produtos que semellan menos agresivos, aínda que os técnicos realizarán un informa posterior para definir a idoneidade do tratamento que se finalmente se aplicará.
